തമസ്വിനി

സ്നേഹം വരണ്ടുണങ്ങിയ മനസ്സുകൾ !!
വർണ്ണ പകിട്ടാർന്ന വസ്ത്രങ്ങളണിഞ്ഞവർ തൻ
ഉള്ളം കറുത്ത് പോയിരിക്കുന്നു !!

തിങ്ങി നിറയുന്ന കോണ്‍ക്രീറ്റ് കാടുകളുടെ നടുവിൽ
തീർത്തും ഒറ്റപെട്ടു പോയ ബാല്യങ്ങളുടെ കയ്പ്പുകൾ !!

കരൾ പകുത്തു നൽകാം - എന്നോട് കരുണ കാട്ടുമോ !!
എന്നുമെപ്പഴും ആട്ടിയോടിക്കപ്പെടുന്നൊരു
അനാഥ ബാല്യമാണു ഞാൻ.

ഇന്ന്
ഒരു പെണ്‍ കോലമായപ്പോൾ !! തീക്ഷ്ണമായ
ചില ആണ്‍ നോട്ടങ്ങൾ എന്നെ വല്ലാതെ തളർത്തുന്നു

ഭീതിയുടെ പുതപ്പിട്ടു മൂടി ഈ പീടിക തിണ്ണയിൽ
ഞാനിരിക്കുമ്പോൾ ഇരുൾ വകഞ്ഞെന്നിലേക്ക് നീളുന്നു !!
കാമവെറിയുടെ കണ്‍കളും കൈകളും.

അവരെത്രേ പകലിലെ സദാചരവാദികൾ !!